حكاية زوجى
المحتويات
بعد ۏفاة سلفي ب شهور بدات الاحظ حاجات غريبه على جوزي ماكنتش بتحصل قبل كده
واحده بواحده بدأت زياراته تزيد جدا لحماتي قلت عادي ممكن عاوز يعوض غياب اخوه بس اللي مش عادي ان بعد ماكان مابيروحش الا بينا بقى يتحجج باي حجه علشان مانروحش معاه مثلا بقى يطلع من الشغل على هناك على طول ويتصل بيا ويقولي ان هو عند والدته ويتصل بيا ويقولي اتغدوا انتوا لاني هتغدى عند والدتي وحتى يوم إجازته وهو رايح مبقاش ياخدني معاه ويتحجج من العيال هتتعب من الطريق
لا وكذا مره يتصل بيا من هناك ويتاخر ويقولي الوقت أتأخر فهبات
وفمره يوم إجازته جهزت لبسي ولبس الولاد وسيبته في غرفة الاطفال وبعد مافطرنا دخل لبس علشان يروح عند مامته ودخلت انا كمان لبست ولبست العيال
وخرج شافنا واحنا لابسين وبان عليه التوتر
بان عليه الضيق وقالي ماتخليها المره الجايه وقالي ان هو رايح وراجع على طول
قلتله احنا لبسنا خلاص لسه هنقلع يلا هنسبقك على العربيه وسبناه ونزلنا وهو نزل ورانا على طول
واحنا في الطريق قالي هرن على والدتي واقولها أنكم جايين معايا قلتله لا خليها مفاجأه احسن وهتفرح اوي لما تلاقي الولاد داخلين عليها
سلفتي بقى كانت خارجه من مطبخ حماتي وكانت على سنجة عشره لابسه ومتشيكه وحاطه ميكب ولا كأنها واحده جوزها من 8 شهور وأول ماشافتني اضايقت
وطول القعده
وجوزي كان بيحاول يتجنبها
بعد ماروحنا قولتله انا عاوزه ارجع شقتنا علشان تفضل جنب مامتك على طول اول ما قلت كده اتخض وقالي وشغلي وكده قلتله ما احنا كنا فيها وكنت بتروح شغلك عادي
بس
هو رفض ورفضه ده أكد ليا ان في حاجه مش طبيعيه
وبعد عشره ايام اتصل بيا جوزي وقالي
ان هو رايح عند حماتي بس انا سمعت صوت ابن سلفي في التليفون
سألته قولتله انت روحت ولا لسه هتروح قالي انا لسه هروح
وقالي ممكن ابات قولتله وماله
ومن غير تفكير لبست ولبست العيال وروحت عند حماتي واول ماحماتي شافتني اتبرجلت دخلت وسلمت عليها وقولتلها فين عزت
بعد ماحماتي قالتلي ان جوزي فوق قولتلها طيب اطلع انادي عليه وبالمرة اسلم على دلال سلفتي
قالتلي تلاقيه هينزل دلوقتي دي سلفتك نادت له مش عارفه هيعملها ايه في الشقه خليكي وانا هطلع انادي عليه انا
قولتلها خلي الولاد معاكي ومع أولاد عمهم وانا هطلع انا سيبتها وطلعت من غير ماتتكلم تاني
خبطت على الباب والباب فتح
متابعة القراءة
