سلطانة
المحتويات
دكتور بتاخدوا فيزا
لا للاسف كاش
نظر فؤاد لفريده واقترب منها
فريده انا المفروض مسافر انهارده ضرورى جدا بصى هبعتلك الفلوس مع حد من الموظفين عندى وهكلمك اطمن على باباكى كل شويه وماتقلقيش هيبقى بخير بس للأسف لازم اسافر عشان استلم البضاعه من الجمارك وسايب ناس تابعى هناك بس مش عارفين يستلموا البضاعه
ولا يهمك يا حبيبى شغلك مهم وانا هكلم حد من بنات عمى يجوا يبقوا معايا ماتقلقش عليا كفايه ان اول ما احتاجتك لقيتك جمبى
ماتقوليش كده يا فريده دى اقل حاجه اعملها كان نفسى ماسبكيش بس للاسف وانا فى الطريق جالى مكالمه انهم رفضوا يسلموهم البضاعه ولازم اسافر قبل ما يتحجز عليها
خرج فؤاد من المستشفى وذهبت فريده مسرعه لمكتب وليد
ايه اللى انت عملته ده
عملت ايه
انت عارف انت زودت خمسه كمان
عادى يا ستى ماهو بيدفع بقى وطلع سخى اهو مافيش مشكله لو اخدتلى قرشين انا كمان
الخمسه الزياده دى هتتقسم انا كده كده الفلوس دى هجيب بيها جهازى اصلا
نظرت له فريده بغيظ وذهبت بعد ذلك لغرفه والدها وقامت بايقاظه وقصت له جميع ما حدث
يا ستى خلاص بكره هناخد كل اللى عايزينه سيبيه ياخدوله قرشين عشان لو احتاجناه تانى
ده تقريبا واخد زينا
المهم اننا قفشنا قرشين حلوين انا عايز انزل الكافتريا اكل لقمه واشرب حاجه فؤاد مشى ولا لسه هنا
فى إحدى المولات قابلت سلطانه امل وتناولوا الغداء سويا وكان معها أطفالها وتركتهم بعد ذلك يلهون فى احدى اماكن الالعاب وجلست هى وامل فى احدى الكافيهات يتحدثون
شوفتى يا امل اللى حصل
خير
اهلى يا امل استغلونى وخدعونى انا كنت مخدوعه من الكل
قصت لها سلطانه جميع ما حدث معها خلال الأيام الفائته
انتى كده بقيتى فى موقف صعب وممكن يكون فؤاد فاهم الموضوع بشكل غلط واى تصرف مش محسوب هيتحسب ضدك يا سلطانه
عارفه انا عشان يبقى عندى عين اتكلم مع فؤاد لازم ارجعله حاجته الاول
ناويه تعملى ايه
هقولك استنى
قامت سلطانه بالاتصال على حماده اخيها واجاب عليها فورا
ازيك يا سلطانه طمنينى عليكى كلمتك كذا مره مردتيش
معلش كنت مخنوقه اوى ينفع اطلب منك طلب
اكيد طبعا
تعرف تجبلى عقد بيع الشقه
اعتبريه معاكى انهارده هجبهولك
مش عايزه حد يعرف حاجه
ماتقلقيش بس انتى ناويه على ايه
هقولك لما اشوفك بس
متابعة القراءة
