العبقرى
المحتويات
دي نايا الضعيفه خالص
الجبالي شاور للراجل اللي جابها عشان يطلع
الراجل بصله وشاور براسه لتحت بمعني انه طالع
الجبالي مسكها من دراعها بكل ڠضب
الجبالي مهربتيش يعني زي كل مره
تيم استغلت الشبه اللي بينها وبين نايا
تيم العبقري خدعنا كلنا .. القائد مش هو عدوك العبقري هو اللي عدوك
الجبالي باستغراب وضم حواجبه غريبه .. ومن امتي بتتكلمي في حاجه زي كده .. انتي مالكيش في الكلام ده خالص
تيم انا .. اصل .. اصل طلع واطي وجبان وكمان سمعته بوداني وهو بيقول لنواه صحبه انه هيخلص مني ومنك ومن القائد ومارضاش ياخدني معاه عشان يخلص مننا كلنا
هو اللي جابلك الاسلحه عشان تحارب القائد وهو برضوا اللي جاب القائد ودخلوا القريه مافكرتش لو للحظه القائد دخل هنا ازاي .. ومحدش يعرف الممر السري للقريه غيرك انت ويامن
الجبالي ضيق عنيه وحط ايده علي دقنه وداس علي سنانه عندك حق .. في كل كلمه قولتيها انا ازاي مافكرتش في حاجه زي دي
تيم وقفت ورا ضهر الجبالي وبقت تتكلم في ودنه
تيم حط ايدك في ايد القائد انت برجالتك وهو بالاسلحه اللي معاه .. القائد هيرفعك فوق وهيخلي الكل يعملك الف حساب
الجبالي ايوه بس
تيم بس اي
تيم وقف ضړب اؤمر رجالتك توقف الضړب وانا هاروح واقوله واكيد هيوافق
الجبالي باستغراب وانتي تعرفي القائد منين وازاي
تيم . بتوتر
ايه .. هبقي .. هبقي اقولك بعدين لازم توقف ضړب حالا
بقلمي ماهي احمد
الجبالي نده علي راجل من رجالته انهم يوقفوا ضړب
واحد من رجالته اللي تشوفوه
بقلمي ماهي احمد
الجبالي نزل في الساحه ومعاه تيم والضړب كله وقف ..
والقائد قرب ووقف هو كمان في الساحه والجبالي والقائد بقوا واقفين قصاد بعض
الجبالي احنا انضحك علينا من العبقري
القائد انت اللي اتضحك عليك من العبقري انا مايضحكش عليا .. واذا كان علي قريتك انا كنت هدخلها اي وقت لو انا عايز
تيم مممم اي ياقائد الجبالي جايلك لحد عندك الجبالي مش عدونا الحقيقي .. عدونا الحقيقي هو يامن اللي اخد السلاح بتاعنا واداه للجبالي
وخلي الجبالي يحاربنا ويخسر رجالته
عشان نقتل بعض احنا الاتنين
الجبالي انا جاي ومادد ايدي .. والشرف ليا اني احط ايدي في ايد القائد في يوم
القائد بكل تكبر
القائد انا لو مديت ايدي ليك وخونتني في يوم هقطعلك دراعك
الجبالي انا .. ده انا بتمني اليوم اللي القائد يبصلي فيه بعين الرأفه
بقلمي ماهي احمد
القائد حط ايده في ايد الجبالي
تيم من اللحظه دي كلنا هيبقي لينا نفس الهدف
ضيقت عنيها الاڼتقام من نايا
الجبالي ضم حواجبه باستغراب كده
الجبالي الاڼتقام من نايا
القائد قصدك من يامن
تيم منهم هما الاتنين
الجبالي انا .. انا مش فاهم حاجه
تيم انت تنفذ اللي نقولك عليه وبس انت فاهم
بقلمي ماهي احمد
القائد هو اكيد مابعدش عن هنا
تيم انا عارفه المخبأ بتاعه كويس
القائد ومستنيين اي يلا بينا ياتيم
الجبالي باستغراب تيم .. تيم مين انا مش فاهم حاجه
بقلمي ماهي احمد
تيم وعلامات القرف باينه علي وشها للجبالي تفتكر واحد زيك مهم انه يفهم
تيم سابت الجبالي ومشيت ركبت عربيه وبقت تسوقها والجبالي مش مصدق انها بتسوق عربيه وكلهم اتوجهوا ناحيه مخبأ يامن
بقلمي ماهي احمد
في نفس الوقت
الشروق طلع علي يامن وهو بره ولسه بيفكر في اللي عمله وانه مش قادر يقول لنايا انه بيحبها
دخل جوه لقى نواه قاعد في الصاله بره ومستنيه يدخل
يامن انت قومت من مكانك ليه دلوقتي انت لسه تعبان
نواه ماقولتلهاش ليه
يامن بلاش نتكلم في الموضوع ده يانواه دلوقتي
نواه يابني ده هو ده وقته ماتضيعهاش من ايدك
يامن بلاش اعلقها بيا وانا مش عارف اذا كنت هعيش ولا اموت انا عايش بس دلوقتي عشان اعرف اللي قتل اهلي ممكن لو عشت بعد كده واستقر في حياتي وابعد عن كل الحړب دي ممكن وقتها ابقي قد الكلمه اللي هقولهالها
نواه مكنتش اعرف انك جبان كده يا يامن
يامن سيبني براحتي يانواه
نواه بتنهيده براحتك ياصحبي
بقلمي ماهي احمد
في نفس الوقت
الطفله صحيت في الاوضه وكانت مع نايا
الطفله انا اسمي رواء ومش عايزاكي ټعيطي
نايا بصتلها وابتسمت ابتسامه خفيفه وبصيلها الطفله رفعت ايدها ومسحت دموع نايا من علي خدها
رواء انا عايزه اروح لاخويا ولبابا
نايا شهقت وبقت تاخد نفسها من العياط انتي .. انتس تعرفي هما فين
رواء ايوه اعرف .. في قريه الصيادين بيروحوا هناك كتير انا عايزه اروحلهم. هما اكيد مايعرفووش اللي حصل في قريتنا
نايا ايوه بس قريه الصياد دي بعيده اوي هوديكي ليها ازاي
رواء عشان خاطرى وديني لبابا .. عايزه اروح لبابا
نايا طيب اهدي .. اهدي هوديكي لباباكي ماتقلقيش
رواء وهي في حضڼ نايا
رواء تعالي اقعدي معانا لو مش ليكي حد هنا
نايا انا فعلا ماليش حد خالص
رواء خلاص تعالي معايا وانا هخللي منك وهخلي بابا يقعدك معايا علي طول احنا بنصطاد سمك كتير وكنا بنطلع علي فلوكه انا وماما وبابا واخويا الكبير
نايا باستها من خدها نروح بس القريه الاول وارجعك لاهلك وبعد كده نشوف حكايه اني افضل معاكم دي يارواء اتفقنا
رواء هزت راسها فوق وتحت هزه بسيطه بمعني انها موافقه
بقلمي ماهي احمد
نايا فكرت شويه وحست انها مالهاش مكان مع العبقري وانها بقت تقيله عليه قامت ومسكت ايد رواء وطلعت
وبقت تدور في المطبخ بتاع الست العجوزه علي اكل عشان تاخده معاها وهي بتجيب الاكل وبتحطه في شنطه
بقت تفتكر الست العجوزه وهي بټقتلها
نايا بقت تاخد الاكل بسرعه وهي مخنوقه ومتوتره جدا وبقت حاسه پخنقه مسكت الطفله وفتحت الباب
العبقري كان في الصاله هو ونواه اول ما شافها بتفتح الباب قام وقف بسرعه قدامها وقفل الباب مره تانيه
العبقري انتي بتعملي اي
ورايحه فين
نايا ماشيه من هنا مش طايقه اقعد هنا ثانيه واحده بعد كده
العبقري نايا فوقي انتي عارفه انتي بتقولي ايه
نايا بكل تحدي
نايا ايوه عارفه عشان كده بقولك اني همشي من هنا انت مش خلاص عملت اللي في دماغك ومافتكرش انك محتاجني تاني معاك سيبني امشي بقي واعيش حياتي
يامن نايا انتي بتتكلمي كده ازاي
نايا اي .. زعلان اوي اني بقيت اقول انا عايزه اعيش حياتي ازاي
يامن انا ماقصدش بس انتي ماتعرفيش حتي هاتروحي فين انتي ممكن تتوهي في الصحرا بالايام وماتعرفيش حتي ترجعي .. انتي حتي مش عارفه انتي رايحه فين
نايا دي حاجه ماتخصكش وبعدين مين قالك اني مذ عارفه رايحه فين ..
يامن رايحه فين
نايا ____________
يامن ماتنطقي
رواء رايحين قريه الصيادين عند بابا واخويا هما هناك
نواه باستغراب قريه الصيادين دي بعيده جدا دي يوم بالعربيه علي الاقل ما بالك بقي لو مشي وكمان وانتي مش عارفه الطريق
بقلمي ماهي احمد
نايا ماتقلقش يانواه انا هعرف اتصرف وهعتمد علي نفسي
نايا بصت ليامن ارجوك يايامن ابعد عن الباب
يامن مش هتخرجي من هنا
نايا لاء هخرج ولاخر مره هقولك ابعد من الباب سيبني انا حره
يامن طريقه كلامك متغيره جدا يانايا
نايا يمكن علشان للمره الاولي مابسمعش كلام حد وبعمل اللي انا عايزاه
يامن وانك ترجعي الطفله لاهلها ده اللي انتي عايزاه
نايا ايوه ومصممه عليه كمان
يامن ماشي بس مش
هسيبك تروحي لوحدك
نايا لاء لوحدي انا مابقيتش محتجالك
يامن بزعيق وڠضب وكل ريأكشنات وشه اتغيرت
يامن اسمعي بقي انتي عايزه تمشي من هنا همشيكي بس مش هكرر كلامي مرتين انتي فاهمه
نايا خلاص .. خلاص فاهمه
نواه طيب يلا انا هسبقكم علي العربيه
يامن جاب القوس بتاعه ونواه طلع علي العربيه هو والطفله ويامن ونواه كانوا راكبين قدام ونايا ورواء كانوا راكبين ورا
والهوا كان بيطير شعر نايا لورا ويامن كل شويه كان بيبصلها في المرايه وهما ماشيين وهي كانت من غير ما تحس دموعها كانت بتنزل منها وصعبان عليها نفسها انها هتسيب يامن وهما زعلانين من بعض العربيه كانت ساكته جدا كلهم ساكتين حرفيا محدش بيتكلم كلهم بيبصوا لبعض وبس ودايما نايا كانت بتتجنب. نظرات يامن ليها في المرايه وتبص جنبها لحد ما رواء وهما في نص الطريق الليل ليل عليهم
رواء انا جوعت وعايزه اعمل حمام
نواه احنا لازم نرتاح شويه يا يامن مش معقول هنفضل اليوم كله سايقين العربيه
يامن بص لنايا في المرايا تحبي نرتاح ونكمل بكره
نايا اللي تشوفوه
يامن لف العربيه وبقي يدور علي اي جبل يكون لي كهف ومفتوح من تحت عشان يقضوا الليل فيه لحد ما لقاه ونزلوا كلهم من العربيه وۏلع ڼار وخشب وبقوا يدفوا هما الاربعه حوالين الخشب نايا طلعت الاكل والمايه اللي معاها من الشنطه وبقت تحطلهم الاكل
ونواه ورواء بقوا ياكلوا سوا
يامن بعد عنهم خطوات ووقف قدامهم وبقي مديهم ضهره
طلع سېجاره من بنطلونه وۏلع بالولاعه بتاعته وبقي ينفخ فيها نايا جت من وراه ومعاها الاكل
نايا اتفضل
يامن لف وشه شمال ناحيتها وبصلها
يامن مش عايز
نايا انت ما اكلتش حاجه من الصبح
يامن قولتلك ماليش نفس
نايا طيب خلاص علي راحتك
يامن بقي يبص لنايا وهي نايمه واول ما تحركت جرى بسرعه ونام جنب رواء من الناحيه التانيه وبقت هي نايمه وجنبها رواء وجنب رواء يامن وجنب يامن نواه
رواء كانت عايزه تعمل حمام قامت من جنب نايا وبعدت عنهم شويه بعيد عشان تعمل حمام
يامن بص كده لايدها وابتسم
بقلمي ماهي احمد
تاني يوم الصبح ومع اول خيط شمس جه علي وش نايا .. نايا ابتدت تصحي وفاقت رفعت راسها كده لاقت نفسها في يامن
يامن حس بيها وصحي وقعد نص قاعده كده علي الارض
يامن نمتي كويس
نايا ايوه .. الحمدلله
يامن نايا انا كنت عايز اقولك علي حاجه
نايا مابقيتش عايزه اعرف انت عايز تقول اي خلاص يايامن وفر كلامك لنفسك
يامن للدرجه دي مابقتيش عايزه تسمعيني
نايا قامت واتجاهلت كلامه وبقت تنفض ايدها من علي الارض
نايا مش هنتحرك بقي
يامن اللي تشوفيه يانايا
نواه قام هو ورواء وركبوا العربيه وفضلوا ماشيين
بيها لحد ما اخيرا وصلوا لقريه الصيادين واول ما دخلوا البنت بقت تدور علي اخوها
نايا رواء استني ..
رواء سابت ايد نايا اول ما شافت فهد اخوها
فهد انا .. انا بجد مش عارف اقولكم اي ..مافيش كلام يوصف اللي انتوا عملتوه
نايا ربنا يخليكم لبعض
فهد سلم علي نواه ويامن وجه يمد ايده لنايا عشان يسلم عليها
يامن مسك ايد فهد
يامن افتكر ممكن تسلم عليها من غير ما تمسك ايدها
فهد انا اسف مكنتش اقصد
بقلمي ماهي احمد
نايا حست ان يامن بيغير
متابعة القراءة
