العبقرى
المحتويات
نواه ليه ده اللي هنعرفه في البارت اللي جاي ان شاء الله
يتبع..
نايا خلاص هما عرفوا ان احنا ميتين احنا الاتنين محدش هيقدر يمسك يامن من ايده اللي بتوجعه مره تانيه
نواه لاء فيه
نايا باستغراب فيه .. تقصد مين
نواه تيم
نايا انا مش فاهمه حاجه
نواه تيم هي اللي انقذتني من ايد القائد واخدت واحد مكاني وقالت للقائد ان ده انا
نواه ايوه تيم هي اللي انقذتني ولولاها كنت زماني مېت دلوقتي
نايا
نواه مش مصدقه صح
نايا بتوتر وعدم فهم انا .. انا مش بس مش مصدقه انا مستغربه وليه تيم تعمل كده
بقلمي ماهي احمد
في نفس الوقت تيم نزلت هي ويامن في الرمال المتحركه بيبصوا لقوا نفسهم في اوضه والكاميرات في كل حته وعضم بني ادمين حواليهم في كل مكان
تيم پخوف ودي كانت اول مره الخۏف يعرف طريق لقلبها
تيم بتوتر اي .. اي كميه الچثث دي .. كل ده عضم بني ادمين
يامن بقي يبص حواليه شمال ويمين
يامن يستاهلوا دول اشر ناس علي الارض وحلال فيهم اللي جرالهم
بقلمي ماهي احمد
تيم انت شايف انهم اشر ناس علي الارض فعلا
تيم كانت رافعه رجل وواقفه علي رجل راحت بقت تبعد جماجم البني ادمين من علي الارض وقعدت يامن بقي يبص علي الحيطان عشان يشوف اي حته يقدروا يخرجوا منها الغريبه ان الاوضه دي مالهاش باب بقي يحسس بأيده علي الحيطه الحيطان كلها واحده والرمله اللي نزلتهم اترفعت مره تانيه واتحولت لسقف
يامن بقي يحط ودنه علي الحيطه انه يسمع حاجه بره مافيش الاوضه زي ما تكون عازله للصوت
تيم بصت ليامن باستغراب وهو محتار مش عارف يطلع من الاوضه ازاي شكلك اول مره تدخل الاوضه دي
يامن ايوه .. عمرى ما دخلتها قبل كده ولا عمرى حتي قربت من ارض السچن الكبير
تيم عنيها برقت كده والتوتر زاد يعني ايه اومال ازاي كنت عارف الطريق وعارف اللي بيحصل بره زي الروبوت اللي بتقول عليه ده والاسلاك حتي الرمله قولتلي سيبي نفسك انت اكيد جيت هنا قبل كده
يامن محصلش كنت بكذب عليكم طول الوقت .. انا طول عمرى بقول عارف الطريق بس عمرى ما اتجرأت وجيت هنا لوحدي .. السچن الكبير ده بناه جدي والعلماء اللي اتخبوا في المخابىء اللي تحت الارض قبل ما ربنا يفتكرهم عارفه ليه بنوه ..
تيم ليه
يامن قبل ما النيزك ينزل علي الارض ويدمرها كان في شائعات بتقول ان في فضائيين هتنزل علي الارض بعد النيزك في الاول فكروا انهم يبنوا بس عشان يحميهم من الفضائيين وعملوا ال robot اللي انتي شوفتيه ده .. والاسلاك اللي تحت الارض حتي الاوضه دي عشان جاتلهم اخباريه ان في كائنات فضائيه هتغزو الارض بعد النيزك فكروا في السچن الكبير ده بعيد عن القري هو في الاول ماسمهووش سجن اساسا كان جدي بيقول عليه بيتنا الكبير اللي هيلمنا كلنا فضلوا يبنوا فيه
ويجهزوا بأحسن الاجهزه مش اقل من عشر سنين كان لسه والدي مايكملش ١٠ سنين تقريبا
لحد ما ابتدت القرى تتبني والشړ يظهر علي وجه الارض من جديد وكل عيله تبني لنفسها قريه والعيله الكبيره ټقتل العيله الصغيره ويظهر الشړ تاني علي الارض وبقي عالم ورا التاني من اصحاب جدي بېموت لما يعترض انه ماينفعش نظلم بعض ولازم نعيش في سلام بس طبيعه البني ادمين وغريزتهم مبنيه علي الشړ الا من رحم ربي ..
لحد ما جه الدور علي جدي الله يرحمه بقي يعلم كل حاجه لوالدي
.. ووالدي بقي بدوره يعلمني انا واخويا وكان موصينا ان احنا منعلمش اي حد بعدنا ازاي نصنع قنابل او اسلحه او اي شىء عشان الارض ماتدمرش اكتر بس كان في اسلحه متخبيه في مخابئ تحت الارض ودي حاجه ماقدروش يتصرفوا فيها ووقعت تحت ايد ابوكي واخوكي .. بس والدي فكر في حاجه .. فكر ان البيت الكبير مايبقاش بيت ويبقي سجن للناس اللي بدمر الارض زيكم .. واي حد يبقي طمعان انه يعرف سر التكنولوجيا وازاي القنابل بتتصنع عشان. يدمر
بيها البشر والدي كان بيبعته هنا علي اساس انه هنا هيعرف ازاي بيتصنعوا ..وطبعا اللي بييجي هنا مابيعرفش يرجع وبيموت هنا ال robot اللي قدامك ده مجهز انه ينفذ الاوامر اللي والدي مبرمجه عليها لمده ١٠٠ سنه عدي منهم ٦٤ سنه وهيفضلوا ينفذوا الاوامر لحد ما المده تنتهي بتاعت البرمجه بتاعتهم
تيم وطبعا كل اللي بييجي هنا السر پيدفن معاه واحنا فاكرينه سجن كبير
يامن بالظبط كده
تيم برضوا ماقولتليش .. عرفت الطريق منين
يامن والدي .. والدي دايما كان بيرسم احداثيات للموقع واحنا صغيرين وكان محفظنا كل شبر في السچن الكبير وعارف كل خطوه فيه شاور علي راسه كله مرسوم هنا
بقلمي ماهي احمد
تيم بضحكه سخريه وهي قاعده وسانده راسها علي الحيطه وطبعا انا من اشر الناس علي الارض عشان كده جيبتني هنا
يامن بضحكه مصطنعه مش انتي بس .. الجبالي والقائد زمانهم جايين يحصلوكي
تيم طيب وانت ذنبك ايه تبقي مع ناس زينا وټموت معانا ما كنت ممكن تجيبنا لحد هنا وتسلمنا للروبوت ده وهو هيقوم معانا بالواجب
بقلمي ماهي احمد
يامن بتنهيده مش كل الناس بټموت في البيت ده الاغبياء بس اللي بېموتوه بس في نفس الوقت محدش بيطلع من هنا ..
تيم وانت اكيد ليك اسبابك اللي تخليك تيجي هنا
يامن ايوه .. اخر امل ليا اني الاقي قاټل عيلتي هنا .. وده اللي بلغني بي يامن قبل ما تقتليه بساعات بسيطه
تيم ابتسمت وهي قاعده وسانده علي الحيطه انت مش واخد بالك ان احنا كده كده هنفضل طول عمرنا هنا
يامن تقصدي ايه
تيم اقصد اني انا عارفه وانت عارف كويس اني يامن ما ماتش
يامن بتوتر ايه انتي .. انتي بتقولي ايه
يامن ماټ وانتي اللي دبحتيه بأيديكي
بقلمي ماهي احمد
في نفس الوقت
نايا ويامن لسه بيتكلموا
نايا بس ازاي تيم تنقذك وايه غرضها من ده كله
نواه هحكيلك علي كل حاجه
قبل فرحك انتي ويامن بيوم لما ډخلتي الاوضه والكهربا اتقطعت عشان منسوب المايه بقي عالي فاكره
نايا ايوه طبعا فاكره
نواه قعدنا انا وهو في الصاله بره وبقينا نتكلم سوا
Flash back
يامن انا بحبها يانواه بحب نايا بجد بس عمرها ما هتعيش سعيده طول ما تيم والجبالي والقائد عايشين .. هتعيش طول عمرها هربانه منهم
نواه القري بتدمر يا يامن .. بتدمر بسببنا تيم مش جيباها لبر ولا هي ولا القائد واللي زاد كمان ان الجبالي بقي معاهم
يامن انا مش هينفع اسيب كل الارواح دي ټموت بسببي
نواه طيب وهنعمل اي
يامن تيم لو هدور علينا هدور علينا في ٣ مناطق
البر الغربي او ارض الهلاك البحر المېت وكل القري اللي حوالين المناطق دي هتتشرد وټموت عشان كده احنا لازم نشدها لينا
نواه تفتكر ازاي
يامن لازم يبقي لينا حد معاهم وعارف كل خطواتهم
نواه زي مين
يامن زي فهد ابن الصياد اخو الطفله رواء دماغه كويسه ولو روحتله دلوقتي علي الصبح هتكون عندهم وهتبدأ تفهموا يعمل ايه بالظبط عشان نخلص الدنيا من شرهم مافيش غير طريق واحد بس
نواه تقصد السچن الكبير
يامن هنوديهم هناك سكه اللي يروح مايرجعش
نواه وافرض فهد ماوافقش .. خلينا احسن مع خالد احنا ضامنينه
يامن ياغبي خالد الجبالي عارفه وشافه قبل كده بس فهد لاء وزي ما احنا عايزين نخلص منهم.. اكيد هو كمان عايز يخلص منهم ومن شرهم
يامن خد السماعه دي خليها معاك واول ما توصل بلغني اي اللي حصل واذا كان وافق ولا لاء
بقلمي ماهي احمد
في الوقت الحالي
نواه لسه بيحكي لنايا علي اللي حصل
نواه واحنا بنتكلم الكهربا قطعت وانتي ناديتي علي يامنه ابتسمت وقولت في نفسي طيب ليه مانفذش الخطه لوحدي واوديهم انا السچن الكبير بمساعده فهد وابعدهم خالص عن يامن ومع اول خيط شمس سيبت ورقه ليامن ان النهارده فرحه وروحت قريه الصيادين فهمت فهد يعمل اي بالظبط وازاي يروح السچن الكبير وكان يامن وصفلي الطريق قبل كده قولت لفهد علي كل حاجه ويودي الجبالي هناك وقولت اسيب يامن يبقي معاكي .. بس طبعا انا للاسف مش يامن وتيم هجمت علي القريه اللي كنت فيها وبقت ټقتل في الكل وقفت ورا شجره ولبست السماعه في ودني وشغلت السماعه وكلمت يامن
وكانت معايا فرحه والمأذون ابوها لسه عايشين
بقلمي ماهي احمد
في نفس الوقت
يامن وتيم بيكملوا كلامهم
تيم انت بجد فاكرني هبله للدرجه دي
انا عارفه وانت عارف ان اللي دبحته قدامك ده مش نواه
بس
انا مثلت قدام القائد انه نواه وانقذته من ايد القائد
يامن وانتي شوفتي نواه فين قبل كده عشان تعرفي اذا كان هو ولا لاء
تيم بتنهيده وبلعت ريقها نواه جه المخبأ وانت مغم عليك لما كنت بتتعالج من المخډرات وقتها ماكنتش حاسس بنفسك خالص ومغم عليك وقالي انه نواه صحبك يعني شوفته وكلمته وهو اللي اداني الحقنه اللي
اديهالك لو تفتكر بس انت كنت في حته تانيه خالص ومكنتش شايف قدامك
يامن ضم حواجبه كده وابتدي يفتكر فعلا انها شافت نواه قبل كده
يامن والقائد
تيم القائد ماشفش نواه قبل كده خالص .. بس الجبالي لو كان معانا كان نواه لازم ھيموت لانه عارفه كويس
يامن وقف واداها ضهره وبلع ريقهطيب .. طيب ليه عملتي كده ..وازاي
Flash back
بقلمي ماهي احمد
نواه كان مستخبي ورا الشجره هو وبنت معاه وشيخ من اهل القريه سمعته وهو بيكلمك وكان مديني ضهره
نواه حاطط السماعه في ودنه ودايس علي ودنه
نواه يامن .. يامن .. سامعني
يامن ________________
نواه يامن انا بكلمك دلوقتي عشان اقولك اني عرفت من واحد في القريه هنا ان اللي قتل اهلك في السچن الكبير
يامن ______________
نواه انا اسف ياصحبي بس
نواه تيم هجمت علي القريه ودمرتها كان نفسي اعملك حاجه ياصحبي .. كان نفسي افرحك واخلص منها .. كان نفسي مره واحده تعتمد عليا في يوم وتعيش انت حياه من غير مشاكل وخوف
يامن __________________
نواه بتوتر ورعشه في صوته قولتلك تيم هجمت علي القريه وعرفت ان هنا ومش هتسيبني يايامن عارف يعني ايه مش هتسيبني
يامن _______________
نواه انت بتقول ايه اخلي حد يقول ان هو نواه بدالي ازاي
يامن ______________
نواه ازاي تيم ماشفتنيش قبل كده يامن تيم _________
وقتها كان لسه هيكمل ويقولك اني شوفته واحنا في المخبأ قبل كده بس انا قطعت كلامه عشان مش يقولك و روحت وقفت قدامه بسرعه وشيلت السماعه
متابعة القراءة
