رواية جميلة جدا
المحتويات
عايز يطمن انك بتحبنى بكل مشاكلى واللى حصلى وانى دايما هفضل حياة القديمه بالنسبالك مهما حصلتلى من ظروف ضدى ..
لمحت شبهه صډمه تلوح من داخل عينيها قبل تحولها لنظره تفهم واضحه تنهد براحه ثم سألها بصوته الاجش وهو يجذبها بذراعه لتتوسد صدره
اعمل فيكى ايه دلوقتى !..
لاحت على شفتيها ابتسامه لم يراها ولكنها ظهرت جليه فى نبرتها وهى تجيبه قائله بحب
هز رأسه موافقا بشده اغمضت عينيها تستمع بذلك الامان الذى يجتاح روحها بمجرد اندساسها بين ذراعيه فقد شاءت أقدارها الا تتلقى ذلك الامان والاحتواء الا على يده .
بعد فتره من الهدوء كانت هى من قرر قطع الصمت تلك المره عندما رفعت جسدها لتنظر إليه داعمه ثقلها بمرفقها لكى تسأله بتوسل
اجابها مشجعا ويده تعبث بخصلات شعرها الثائرة
حياة فريد تآمر وهو ينفذ ..
ظهرت ابتسامتها ولمعت عيونها بعشق وهى تجيبه بنبره رقيقه للغايه
ممكن مهما حصل بينا .. ميعديش علينا يوم وانت مدينى ضهرك ابدا ..
انزلقت أصابعه حيث وجنتها يتلمسها برفق شديد بلمسات حانيه ثم اجابها هامسا
اتسعت ابتسامتها بسعاده شديده وهى تعود لتندس داخل احضانه ويحيطها هو بذراعيه وقد اخذت مطلبها حركت رأسها للاعلى قليلا حتى يتسنى لها الاختباء بداخل عنقه وهى تفكر بسذاجه طفله صغيره ماذا سيحدث لو تحولت لعصفور صغير واتخذت من المسافه بين عنقه وكتفه ملاذا دائما لها ! اغمضت عينيها بسلام وتلك الفكره تداعب قلبها العاشق .
شعرك منكوش على فكره..
جعدت انفها ورمقته بنظرات شبهه حانقه وهى تلكزه بخفه فوق كتفه وتغمغم متصنعه الضيق
تنهد بأنتشاء وهو يمد إصبعه متلمسا وجنتها وقد بدءت عينيه تضوى بسعاده
من مجرد التفكير بطفله منه تنمو داخل أحشائها وتحمل ملامحها .
اردفت حياة حديثها وهى تبادله ابتسامته بأبتسامه ونظره ناعمه وهى تساله بصوت أجش متحشرج من اثر النعاس
اجابها وهو يبادلها ابتسامتها بأخرى واسعه
اقولك سر ..
اخرجت صوت من حنجرتها ينم على الموافقه قبل ان تقول بمرح
اامممم قولى على سر ..
استطرد يسألها بخبث
طب ولو قلتلك على سر هاخد ايه المقابل !..
ابتسمت بخجل وهى تمد إصبعها وتتلمس ذقنه ببطء قائله بنبره خفيضه مرتبكه
اللى انت عايزه ..
اجابها بمكر وهو يقترب منها
انا عارف هاخد ايه بس خلينا فى السر الاول ..
ضغطت فوق شفتيها وهى تسأله بحماس
طب بقى قولى السر عندى فضول ..
دوت ضحكته وهو يمد ذراعه ليدنيها منه قبل ان يقول بنبره شبهه مرحه
انا نومى خفيف جدا .. واول ما بتتحركى من جنبى بصحى بس كنت بعمل نفسى نايم عشان اسيبك براحتك ..
شهقت بمرح وهى تجيبه متصنعه الضيق
يعنى انت كل ده كنت بتضحك عليا !!..
حرك عينيه يمينا ويسارا مدعيا التفكير قبل ان يقول بنزق
انا غلطان انى كنت بسيبك تتحركى براحتك ..
تعبانه !..
طب كويس ..
نطقت هى اسمه معترضه بدلال
فرييييد هتتأخر ..
لما اخد مقابل السر الاول ..
حاولت مشاكسته والابتعاد عنه ولكنه كان اسرع منها فى اخدها بين يديه ويغيب بها داخل عالمهم الخاص والملئ بمشاعرهم المحبة .
فريد !..
اصدر صوت مكتوم من حنجرته يحثها على الاستمرار فأردفت تحادثه وهى تبتسم بهيام
الوقت أتأخر على فكره وانت اتأخرت اوى على الشغل ..
رفع رأسه على مضض ينظر نحوها متفحصا ملامحها بعشق شديد وهو يجيبها بهمس ناعم
ايه رايك نلعب لعبه ..
هزت رأسها موافقه وهى تضغط على شفتيها وتسأله بحماس شديد
لعبه ايه ..
هقترح عليكى اقتراح ولو موافقه قولى اه ولو مش موافقه قولى لا ..
ابتسمت بحبور وهى تهز رأسها موافقه وعيونها تلمع بسعاده فأردف يقول بنفس نبرته الهامسه
ايه رأيك نقضى اليوم انا وانتى النهارده سوا بعيد عن الشغل ودوشته..
أصدرت صوت ضعيف من حنجرتها ينم على الموافقه ابتسم هو برضا مضيفا وهو لايزال محافظا على نبرته المثيره
وندى عفاف اجازه وتطبخيلى بأيدك وانا هحاول اساعدك ..
اسبلت عيونها وهى تحرك رأسها موافقه
وعايز تعمليلى كيكه شيكولاته وأكلها زى ما احب ..
ظلت تحدق به بهيام غير قادره على ايجاد صوتها للاجابه
مسمعتش اجابتك على فكره ..
كانت همهمه ضعيفه متقطعه هى كل ما صدر عنها كعلامه موافقه على اقتراحه الماكر أردف هو قائلا بخبث
مادام اتفقنا يبقى فاضل اخر حاجه ..
رفعت رأسها تسأله بعينيها مستفسره فأستطردت يقول وهى يقترب منها
توافقى على اللى هعمله فيكى دلوقتى ..
صړخت اسمه بمرح معترضه قبل ان تخمد مقاومتها ويختفي صوتها بين يديه حيث لا طاقه لها على معارضته وهو يبث لها ذلك الكم من المشاعر الرائعه .
خرجت حياة من المرحاض وهى تحيط جسدها بمنشفه سوداء كبيره تاركه شعرها المبلل يقطر ماءه فوق كتفها وعنقها مما أعطاها مظهرا مثيرا للغايه ازدرد فريد لعابه بصعوبه وهو واقفا امامها يتأملها ..
ازدردت حياة لعابها بتوتر ثم اردفت بذلك السؤال الذى طالما راودها منذ حاډثه الحفله
فريد ممكن اسالك سؤال !..
التقط توترها بسهوله بالغه فضيق نظراته حولها يتفحصها بارتياب وهو يومأ لها برأسه كعلامه موافقه اردفت هى تسأله بترقب شديد وبنبره قلقه
ممكن اعرف يعنى اخر مره .. يعنى شربت كانت امتى !..
انهت سؤالها وكتمت انفاسها فى انتظار اجابته بترقب شديد للغايه فهى تتذكر وعده لها تلك الليله ولكن جزء ما بداخلها يريد التأكد من إيفائه به صمت قليلا ثم اجابها بتعابير وجهه ونبره جامده للغايه
يوم الحفله ..
تنهدت بأرتياح وارتخت ملامحها المترقبه وبدءت رئتيها تعود للعمل بشكل سليم مره اخرى وظهرت الابتسامه جليه فوق شفتيها ثم حركت كفيها تحتضن وجهه بينهما وقد تعمدت النظر بداخل عينيه وهى تنطق بجملتها
فريد عارف .. انا نفسى اوى انا وانت نصلى سوا ..
لم تنتظر اجابته ولن تنتظرها الان فقد نطقت بأمنيتها وتركت له المجال ليتسوعبها ثم طبعت قبله مطمئنه فوق جبهته وتوجهت لخزانه ملابسه بعدما قامت بتجفيف شعرها استعدادا لبدء صلاتها وقد تعمدت فعل ذلك امامه .
كان فريد يعلم انها تؤدى فرائضها كامله فحتى فى منتصف الليل ومنذ انتقالها لغرفته كانت تنسحب من داخل احضانه ثم تعود بعد قليل فيدرك انها فعلت ذلك من اجل الصلاه ولكن رؤيتها وهى تتلو ايات الذكر الحكيم امامه بخشوع تام شئ اخر جعل قلبه يرتجف وهو يعود للذاكره حيث
عمر السابعه عندما قامت والدته بتعليم كيفيه اسباغ وضوئه واقامه صلاته وكانت تحرص على تأديتها معه بالطبع انتهى ذلك بمۏت والدته وسفره بمفرده للخارج حيث ثقافه جديده مختلفه كليا لم يقوى على مقاومتها وبدء بعدها بالابتعاد شيئا فشئ عن كل ما يخص دينه ولكن تلك اللحظه بالذات اعادت إليه جزء من الحنين ظن انه افتقده للأبد
فى الاسفل شهقت حياة بسعاده وهى فى طريقها للمطبخ وقد تسللت لانفها رائحه المخبوزات الفرنسيه الشهيه والذى يرفض فريد رفضا تاما تناولها مدعيا الحفاظ على صحته صفقت بيدها وهى تركض فى اتجاه الطاوله وتهتف بنبره طفوليه سعيده
الله .. دادا عفاف متوصيه بيا اوى النهارده ..
رفعت رأسها تنظر نحو فريد الذى جلس بالفعل امام طاوله المطبخ يتناول إفطاره الصحى بجانب قهوته السوداء واردفت تقول لآثاره غيظه
والاهم ان كل ده ليا لوحدددى .. الحمدلله مش هاكل النهارده الاكل الغريب بتاعك ده ..
ضيق نظراته فوقها وهو يجيبها بحنق واضح
انا نفسى اعرف الاكل اللى بتاكليه كل ده بيروح فين !..
رمقته بنظره حانقه قبل ان تجيبه بتذمر
اولا يعنى دى طبيعه جسم على فكره .. ثانيا بقى انا بدخل اوضه الجيم من وراك ..
رفع احدى حاجبيه مستنكرا قبل ان يجيبها مقلدا نبرتها وساخرا منها
عارف على فكره ..
فرغ فاها وشهقت پصدمه قبل سؤال بعدم تصديق
بجد !!!.. اكيد داد عفاف هى اللى قالتلك صح ..
هز رأسه نافيا وهو يوشك على إنهاء طعامه قائلا بلامبالاه
معرفتش من حد .. انتى اللى بتسيبى اثار وراكى ..
مسح فمه بمحرمه الطعام قبل ان يردف قائلا بنبرته الآمرة
ممكن بقى تبدئى تأكلى بدل ما عماله تلفى كده !..
جلست على الفور بمجرد انتهاء جملته وشرعت فى تناول فطورها ولكن ببطء شديد مما أثار اعصابه فقد كان يعلم جيدا انها تماطله .
هتف فريد بها بعد مده من الوقت قائلا بضيق
حياة ممكن تنجزى شويه بقالك ساعه بتاكلى !!..
مطت شفتيها بحزن قبل ان تجيبه متصنعه البراءه
الله جعانه طيب اعمل ايه ..
اسبلت بعينيها للأسفل حتى لا يكتشف تمثيلها قبل ان تضيف متصنعه الحزن
خلاص مش هكمل شوف
انت عايز ايه ..
حبيبتى كلى براحتك بس
انتى بقالك اكتر من نص ساعه بتاكلى ..
عضت على شفتيها وقد بدءت ابتسامتها تلوح فوق شفتيها قائله بمرح
على فكره الكرواسون حلو اوى .. بجد دادا عفاف موهوبه .. بس انت طبعا مش بتاكل الحاجات دى ..
كانت تحاول اثاره حنقه بكل السبل الطرق الممكنه وتستفزه حتى يتناوله ففى كل مره تصنعه عفاف من اجلها يسخر منها ومن عاداتها الغير الصحيه لذلك أقسمت تلك المره على جعله بتناوله حتى يتوقف عن سخريته قطمت قطعه اخرى منه وظلت تمضغها ببطء شديد وهى تراقب رد فعله ثم مدت كفها فى اتجاه فمه تسأله بنبره هامسه
دوق هتعجبك اوى على فكره ..
نظر لها مطولا قبل ان يسألها بنبره مرحه قائلا بټهديد لذيذ
انتى قد اللى بتعمليه ده !..
سألته ببراءه مدعيه عدم الفهم
بعمل ايه مش فاهمه !..
ابتسم لها ببطء وهو يهز رأسه بتوعد قائلا وهو يجذبها نحوه
انا ممكن اكله على فكره بس مش هنا ..
اكيد طعمه هنا احلى بكتيررر ..
كفايه عليكى فطار لحد كده ..
لم يسمح لها فريد بالعوده للأسفل مره اخرى لاى سببا كان وفى المساء كانت حياة تحاول جاهده فتح جفنيها من شده الارهاق والنعاس غمغم فريد وهو يحرك يده على طول ظهرها
حياة .. انا جعان ..
فريد اتلم .. انا تعبت وعايزه انام ..
دوت ضحكته عاليا وهو يجيبها بصوت مخټنق من شده الابتسام
مكنتش اعرف ان دماغك منحرفه كده .. انا جعان بجد والله ..
رفعت رأسها تنظر نحوه متصنعه الڠضب وهى تجيبه بنبره مؤنبه
ما عشان حضرتك مفطرتش كويس وقضيتها تريقه عليا .. ده غير انك اتهورت وعطيت لدادا عفاف اجازه
متابعة القراءة
